АСТАНА. ҚазАқпарат - Шайбалы хоккейден Қазақстан құрамасының 2023 жылғы әлем чемпионатындағы қарсыластары анықталды, деп хабарлайды ҚазАқпарат тілшісі.
Айта кетсек, аталған турнир алдағы жылдың 12-28 мамыры аралығында Латвияның Рига, Финляндияның Тампере қалаларында өткізіледі.
Қазақстандық хоккейшілер В тобында сынға түседі. Қарсыластары – Канада, АҚШ, Швейцария, Словакия, Латвия, Норвегия және Словения.
Ал А тобында Финляндия, Швеция, Чехия, Германия, Дания, Франция, Австрия және Венгрия шеберлік байқасады.
Биыл әлем чемпионатында Қазақстан құрамасы топ-дивизиондағы орнын сақтап қалды.
Әлем чемпионатында Италия мен Ұлыбритания бірінші дивизионға түсті. Олардың орнын 2023 жылы Венгрия мен Словения құрамалары басты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.