НҰР-СҰЛТАН. ҚазАқпарат - Шайбалы хоккейден 2021 жылғы әлем чемпионатының элиталық дивизионында бүгін, 29 мамырда Қазақстан және Италия құрамалары арасындағы кездесудің екінші кезеңі аяқталды, деп хабарлайды ҚазАқпарат тілшісі.
Бүгін қос құрама қарқынды ойынымен көзге түсуде. Алғашқы кезеңде қазақстандық хоккейшілердің басымдығы байқалып тұрды. Нәтижесінде 2-минутта Роман Старченко Қазақстан құрамасын алға шығарса, 24-минутта итальяндық Анджело Мичели өзінің мүмкіндігін мүлт жіберген жоқ. Ал 32-минутта қазақстандық Егор Петухов қақпа торын дәл көздесе, Евгений Рымарев 35-минутта мергендік танытты. Есеп 3:1. Қазақстан құрамасы әзірге алда тұр.
Еске салсақ, екі құрама бұған дейін жеті мәрте кездесті. Оның үшеуінде итальяндық хоккейшілер жеңіске жетсе, қалғанында қазақстандық құраманың мерейі үстем болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.