НҰР-СҰЛТАН. ҚазАқпарат - Бүгін шайбалы хоккейден әлем чемпионатында топ-дивизионда Қазақстан құрамасы алғашқы ойынын өткізді, деп хабарлайды ҚазАқпарат тілшісі.
Бүгінгі кездесуде даниялық хоккейшілер өте белсенді ойнады. Нәтижесінде қазақстандық құрама қарсыласына 1:9 есебімен есе жіберді.
Енді Қазақстан құрамасы екінші ойынын 15 мамырда Францияға қарсы өткізеді.
Дәл қазір В тобындағы Швеция Австрияны 3:1 есебімен тізе бүктірді.
Бүгін тағы төрт кездесу өтеді. А тобында Швейцария мен Италия, Словакия мен Германия кездессе, В тобында Чехия мен Ұлыбритания, Латвия мен Финляндия шеберлік байқасады.
Еске салсақ, қазақстандық хоккейшілер А тобында сынға түседі. Қарсыластары - Канада, Словакия, Германия, Дания, Швейцария, Италия және Франция. Ал, В тобында Финляндия, АҚШ, Чехия, Швеция, Латвия, Норвегия, Ұлыбритания және Австрия шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.