НҰР-СҰЛТАН. ҚазАқпарат - Бүгін шайбалы хоккейден әлем чемпионатында топ-дивизионда Қазақстан құрамасы екінші ойынын Францияға қарсы өткізді, деп хабарлайды ҚазАқпарат тілшісі.
Бүгінгі кездесуде қазақстандық хоккейшілер белсенді ойнаған еді. Алдымен Валерий Орехов 5-минутта Қазақстанды алға шығарды.
Екінші кезеңде франциялық құраманың белсенділігі аңғарылды. Нәтижесінде Александр Тексье 32, Флорьян Шакиашвили 39-минутта мергендік танытты.
Осылайша Қазақстан хоккейшілері Францияға 1:2 есебімен есе жіберді.
Енді олар үшінші ойынын 17 мамырда Швейцарияға қарсы өткізеді.
Айта кетсек, қазақстандық хоккейшілер А тобында сынға түседі. Қарсыластары - Канада, Словакия, Германия, Дания, Швейцария, Италия және Франция.
Еске салсақ, бұдан бұрын қазақстандық хоккейшілер Даниядан жеңіліп қалған еді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.