АСТАНА. ҚазАқпарат - Шайбалы хоккейден алдағы маусымда Қазақстан біріншілігінде 11 команда сынға түсетін болды, деп хабарлайды ҚазАқпарат тілшісі.
Алдағы маусымда ел біріншілігінде «Ақтөбе», «Алматы», «Арлан» (Көкшетау), «Бейбарыс» (Атырау), «Горняк» (Рудный), «Ертіс» (Павлодар), «Кұлагер» (Петропавл), «Номад» (Астана), «Сарыарқа» (Қарағанды), «Торпедо» (Өскемен) және өзбекстандық «Хумо» бақ сынайды. Клмандалар үш кезең бойынша сынға түседі.
Алғашқы кезеңде командалар бір-бірімен төрт ойыннан өткізді. Екеуі өз алаңында болса, екеуі сыртта болады.
Маусымның алғашқы ойыны 9 қыркүйекке белгіленген.
Тұрақты кезең ойындары ақпан айына дейін созылады. Плей-офф сатысы 12 ақпаннан басталады.
Еске салсақ, бұдан бұрын «Барыстың» Құрлықтық хоккей лигасындағы ойын кестесі белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.