НҰР-СҰЛТАН. ҚазАқпарат - Шайбалы хоккейден Қазақстан құрамасы Латвиямен жолдастық кездесу өткізді, деп хабарлайды ҚазАқпарат тілшісі.
Жолдастық кездесу әлем чемпионаты алдындағы дайындық аясында ұйымдастырылды.
Дүбірлі дода 13 мамырда Финляндияның Хельсинки және Тампере қалаларында жалауын көтереді.
Кездесу барысында қазақстандық хоккейшілер қарсыласына 0:5 есебімен есе жіберді.
Ұлттық құрама бүгін, 9 мамырда латвиялық хоккейшілермен тағы бір мәрте шеберлік байқасады.
Ал 10 мамырда Хельсинки қаласына аттанады. Онда А тобында Канада, Словакия, Германия, Дания, Швейцария, Италия және Франциямен ойнайды.
Қазақстандық хоккейшілер әлем чемпионатындағы алғашқы ойынын 14 мамырда Данияға қарсы өткізеді.
Латвия құрамасы В тобында Финляндия, АҚШ, Чехия, Швеция, Латвия, Норвегия, Ұлыбритания және Австриямен сынға түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.