АСТАНА. KAZINFORM – Қаржы министрі Мәди Такиев Үкіметтің кеңейтілген отырысынан кейін өткен баспасөз мәслихатында табыс декларациясын жариялауға міндетті лауазым иелері қашан деректерін көпшілік назарына шығаратыны туралы пікір білдірді
- Табыс декларациясын жариялау мәселесін Сыбайлас жемқорлыққа қарсы іс-қимыл агенттігі айналысады. Сол орган бұйрық әзірлеген. Қазір сол бұйрық жобасы мемлекеттік органдардың мақұлдауынан өтіп жатыр. Қай мерзімде тапсыратыны, қандай мәліметтер жариялауға жататыны сол бұйрықта көрініс табады, - деді Мәди Такиев.
Еске салсақ, былтыр күзде 8 млн қазақстандықты жалпыға бірдей декларациядан босату туралы шешім қабылданған еді.
Есімжан Нақтыбай
16.01.1987ж. Монғолияның Баян-Өлке аймағында туған. 1992 жылы Қазақстанға қоныс аударып, ШҚО, Катонқарағай ауданында орта мектепті тәмамдаған. Тілшілік жолы ШҚО Глубокое ауданындағы "Ақ бұлақ" газетінде басталған.