АСТАНА. KAZINFORM - Германияның Варендорф қаласында дзюдодан әскерилер арасында әлем чемпионатында қазақстандық қос балуан қола медаль алды.
Жарыстың алғашқы күнінде мұндай табысқа ұлттық құрама мүшелері Шерзад Давлатов (60 келі) пен Нұрқанат Серікбаев (66 келі) ие болды.
Айта кетсек, әскерилер арасындағы әлем чемпионатына 35 елден барлығы 200 спортшы қатысып жатыр. Дүниежүзілік біріншілік 30 маусымға дейін жалғасады деп жоспарланған.
Еске салсақ, Будапештте (Мажарстан) өткен әлем чемпионатын бір медальмен аяқтады.
Онда ел құрамасынан Әбиба Әбужақынова (48 келі) күміс жүлдегер атанды.
Ал Мағжан Шамшадин (60 келі), Шерзод Давлатов (60 келі), Ғалия Тынбаева (48 келі), Ғұсман Қырғызбаев (66 келі), Есет Қуанов (72 келі), Эсмигүл Куюлова (63 келі), Абылайхан Жұбаназар (81 келі), Мейірлан Максим (90 келі), Нұрлыхан Шархан (100 келі), Марат Байқамұров (100 келі), Ерасыл Қажыбаев (100 келіден жоғары) жарысты ерте аяқтады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.