Шетелде қиындыққа тап болған қазақстандық көліктер үшін жедел желі іске қосылды
11:05, 03 Наурыз 2022
НҰР-СҰЛТАН. ҚазАқпарат - ҚР Индустрия және инфрақұрылымдық даму министрлігінде көлік және логистика саласында туындаған мәселелер бойынша жедел штаб құрылды, деп хабарлайды ҚазАқпарат.
Еуропалық Одақ елдері мен Ресей Федерациясы арасында жағдайдың шиеленісуіне және халықаралық көлік тасымалы саласында туындап жатқан проблемаларға байланысты жедел штаб құрылды.
Оны министр Қайырбек Өскенбаев басқарады.
Жедел штаб кәсіпкерлік субъектілеріне және автомобиль, теміржол, теңіз және әуе көлігімен атқарылатын халықаралық жүк тасымалдарына қатысушыларға көмек көрсету және ақпараттық қолдау үшін құрылды.
Осыған байланысты ҚР ИИДМ ахуал орталығы базасында жедел желі ашылды.
Барлық сұрақтар бойынша сall-орталыққа: +7 708 088 0800; +7 (7172) 98-35-35 нөмірлеріне хабарласуға болады.