ОРАЛ. ҚазАқпарат - Тасқала аудандық сотының қаулысымен Беларусь елінің азаматы П.Приходько ҚР Әкімшілік құқықбұзушылық кодексі 517-бабы 2-бөлімімен айыпты деп танылып, 10 тәулікке қамауға алынды.
БҚО сотының баспасөз қызметінен түскен мәліметке қарағанда, шекара бақылау бекетінің қызметкерлері Павлодар мен Ресейдің Шахты қаласы бағытында «Фрейтлайнер» жүк көлігімен жол тартқан П.Приходьконы ұстаған. Аталған азамат көші-қон қағазының мерзімі өтіп кеткенін «байқамаған».
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).