АСТАНА. KAZINFORM — Қазақстанның екінші, әлемнің 103-ракеткасы Александр Шевченко Простеёв (Чехия) челленджер турнирінің 1/8 финалына жолдама алды.
Жарыстың 6-ракеткасы болып тіркелген қазақстандық теннисші алғашқы айналымда рейтингіде 531-орында тұрған чехиялық, 18 жастағы Петрос Брунцликстің меселін қайырды.
Бірінші партияда Шевченко тай-брейкте басымдылық танытты — 7:6 (7:4). Екінші сет оңайлау тиді — 6:2.
Сағат жарымға созылған матчта А.Шевченко 8 эйспен бірге 5 брейк-пойнттың екеуін пайдаланды. Брунцликс 3 эйс, 1 брейкпен шектелді.
Александр Бублик ширек финалға шығу үшін әлемнің 198-ракеткасы, испаниялық Алехандро Моро Каньяспен таласады.
Еске сала кетейік, бұдан бұрын Ролан Гаррос турнирінде Бубликтің әлемнің 5-ракеткасын еліне қайтарғанын жазған болатынбыз.
Сондай-ақ Денис Евсеев Германиядағы турнирде жарыстың 2-ракеткасын жеңді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).