Пердәлі Архабаев басшылық жасап, ұйымдастырған бұл саябақта 9 мыңнан астам саялы ағаш, 9500 гүл өсіп-өніп, жайнап-жайқалып тұр, деп хабарлады аудан әкімдігінің баспасөз қызметінен.
Саябақта шафран, питунья тәрізді гүлдердің бірнеше түрлі сорты бар. Барлығы 2 гектар жерге орналасып көк-жасыл, қызыл-ақ түске боянған мұндай көлемді аймақты көзбен көрудің өзі бір ғанибет. Мұндағы жұмыстың барлығын небәрі 7-8 жұмысшы атқарады: егеді, суарады,тыңайтады, баптайды. Саябаққа келген қонақтар суретке түседі, демалады. Не ексең де өсіп-өне беретін Шиелі жерінің өзіндік киесі бар дейді жергілікті жұртшылық.