Қазіргі таңда кене шаққан 92 адам медициналық мекемеге жүгінген. Оның ішінде 14 жасқа дейінгі бала саны - 38.
Эпидемиологтардың мәліметінше, өткен жылдың осы кезеңімен салыстырғанда зардап шеккендер саны 14-ке көбейген.
- Бүгінгі таңда кене арқылы жұғатын инфекциялар анықталған жоқ. Өңірдегі медициналық ұйымдарда иммуноглобулин қоры жеткілікті. Сонымен қатар тұрғындарға табиғат аясында демалған кезде сақтық шараларын бұзбай, репелленттер қолдануды еске саламыз, - деді ШҚО санитарлық-эпидемиологиялық бақылау департаменті басшысының міндетін атқарушы Сәуле Слямғазина.
Айта кету керек, өңірде кене энцефалитінің табиғи ошақтары тұрақты түрде тіркелетін аумақтар бар. Олар: Глубокое, Катонқарағай, Шемонаиха, Ұлан, Алтай, Самар аудандары мен Риддер, Өскемен қалаларының маңы.
Еске салсақ, осыған дейін Қызылорда облысында кенеге қарсы өңделетін елді мекендер саны азайғаны хабарланған.