ӨСКЕМЕН. KAZINFORM – Шығыс Қазақстан облысының құтқарушылары жасанды жолмен қар көшкіні түсірілетінін ескертті.
ШҚО Төтенше жағдайлар департаменті баспасөз қызметінің мәліметіне сүйенсек, қар көшкіні бүгін сағат 11.00-де түсіріледі.
«Облыстық маңызы бар «Өскемен-Алтай» тасжолының 58-66 шақырымында жасанды жолмен қар көшкіні түсірілетінін ескертеміз. Осыған орай көлік жүргізушілерінен жүрер жолды алдын ала жоспарлап алуды сұраймыз», - делінген ақпаратта.
Сондай-ақ ТЖД қызметкерлері өңір жұртшылығына алыс сапарға шығар алдында жолдардың жай-күйін «Дәрмен» мобильді қосымшасы арқылы тексеріп отыруға кеңес берді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.