ӨСКЕМЕН. KAZINFORM – Шығыс Қазақстан облысында бірнеше тасжолды қызыл су басты.
ШҚО Жолаушылар көлігі және автомобиль жолдары басқармасының мәліметінше, аудандық маңызы бар Күршім-Ақсуат жолының 7-шақырымында және Күршім-Қалжыр жолының 19-шақырымында қызыл су жиналып, жолға шығып кеткен.
«Күршім-Ақсуат жолындағы көлік қозғалысы шектеліп, қызыл су басқан жол бөлігіне жаңа су өткізгіш құбыр тартылды. Содан кейін көлік қозғалысы қайта жанданды. Өткен жылдары дәл осы учаскелерде қызыл су жиналған жағдай болмаған», - делінген ақпаратта.
Қазіргі уақытта мәселе шешіліп, көліктер қатынауда.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.