Бүгін Мәжілістегі Үкімет сағатында Экономика және бюджеттік жоспарлау министрі Ерболат Досаев осылай мәлім етті.
Министрдің пайымынша, алдағы кезеңдерде жаңа тікелей инвестицияларды тарту және капиталды сыртқы нарықтардан іздеу - экономикалық саясаттың басымдылығы болмақ. «Осы мақсатта мемлекеттік-жеке меншік әріптестік үдерісін жандандыру, бақылау-рұқсат беру жүйесі тәжірибесін оңтайландыру қарастырылған. Инвесторлар үшін Қазақстанның тартымдылығын арттыру мақсатында Экономикалық даму жөніндегі ынтымақтастық ұйымының өзіндік стандарттары негізінде инвестициялық ахуалды жақсарту жұмыстары жүргізілетін болады», - дейді Ерболат Досаев.
Оның сөзіне қарағанда, мемлекеттік-жеке меншік әріптестігінің дамуына, әсіресе, Елбасы тапсырмасы бойынша қолға алынатын жаңа ауқымды инфрақұрылымдық жобаларды іске қосумен байланысты салаларға үлкен үміт артылады.