Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2011 жылғы шілдеде өткен аймен салыстырғанда 1,4%-ға азайды, ал 2010 жылғы шілдеге қарағанда 20,9%-ға өсті. Оның құрылымында ет пен балықты сатып алуға жұмсалған шығыстардың үлесі 19,9%, сүт, май-тоң май өнімдері мен жұмыртқа, жемістер мен көкөністерде - 14,8%-дан, нан және жарма өнімдерінде - 7,8%, қант, шай және дәмдеуіштерде - 2,7 пайызды құрады.