Шымкентте 22 тамыздан бастап екі көше жабылады

ШЫМКЕНТ. KAZINFORM – Сырым батыр көшесінде 29 тамызға дейін, ал Саттарханов көшесінің бір бөлігінде 25 тамызға дейін көлік қозғалысы шектеледі, деп хабарлайды Kazinform тілшісі.

22 тамыздан бастап Шымкентте А-2 айналма жолы мен Сырым батыр көшесінің қиылысында құрылыс-монтаж жұмыстары басталады. Осыған байланысты аталған аумақта 29 тамызға дейін көлік қозғалысы шектеледі. 

Сонымен қатар 22 тамыздан бастап Б.Саттарханов көшесінің – Абат көшесінен Ашурходжаев көшесіне дейінгі бөлігінде үш күнге көлік қозғалысы жабылады. Жолды жөндеу жұмыстарын аяқтау 25 тамызға жоспарланған. 

– Уақытша қолайсыздықтар үшін кешірім сұраймыз. Жөндеу жұмыстарына байланысты айналма жолдарды алдын ала жоспарлауды жүргізушілердің қаперіне саламыз. Түсіністік танытқандарыңызға рахмет, - деп хабарлады қалалық жолаушылар көлігі және автомобиль жолдары бөлімі. 

Еске сала кетейік, бұған дейін Шымкентте А-2 тас жолының бір бөлігі бір айға жабылатынын хабарлаған болатынбыз.