ШЫМКЕНТ. KAZINFORM – Қазір өрттің шығу себебі анықталып жатыр.
Оқиға Қызылкенші көшесінде болды. Екі қабаттың үйдің ішіндегі жиһаздар мен техникалар өртке оранған. Өрт сөндірушілер жалын ішінен 7 адамды қауіпсіз аймаққа алып шықты. Олардың 5-еуі – бала.
«Зардап шеушілер жоқ. Қазір өрттің шығу себептері анықталып жатыр. Оқиға орнына Төтенше жағдайлар департаментінің 3 техникасы мен 12 қызметкері және апаттар медициналық орталығы филиалының мамандары жұмылдырылды» - делінген Шымкент қаласы Төтенше жағдай департаментінің баспасөз қызметі ұсынған ақпаратта.
Қайрат Зайнишев
Шымкенттегі М.Сапарбаев атындағы ОҚГИ түлегі. Еңбек жолын «Ақиқат-Истина» газетінде тілші болып бастады. Кейіннен «Шымкент келбеті», «Оңтүстік Қазақстан» газеті мен «Ernur.kz» сайтында тілші, «Кентау шұғыласы» газетінің бас редакторы қызметтерін атқарды. Республикалық «Экспресс К» сайтының Түркістан облысындағы тілшісі болды. 2021 жылдан бастап «Kazinform» агенттігінің Түркістан облысындағы тілшісі қызметін атқаруда.