Шымкентте жолда келе жатқан жеңіл көлік түгелімен жанып кетті
11:28, 15 Желтоқсан 2023
Шымкентте газ қондырғысын орнатқан көлік өртке оранды, деп хабарлайды Kazinform.
Оқиға Тұран ауданына қарасты Д.Қонаев даңғылы мен Т.Рысқұлов көшесінің қиылысында болды. Жолда келе жатқан «Аudi А-6» жеңіл автокөлігі толығымен жанып кетті.
Өрт оқиғасына Төтенше жағдай департаментінің 15 қызметкері мен 4 техникасы жұмылдырылды.
«Көлікке газ қондырғысы орнатылған. Өрт сағат 09:04-те оқшауланып, сағат 09:12-де толығымен сөндірілді. Зардап шеккендер мен қайтыс болғандар жоқ. Өрттің шығу себебі анықталуда» - делінген Шымкент қаласы ТЖД қоғаммен байланыс тобы таратқан ақпаратта.