ШЫҰ саммиті аясында екі маңызды құжат әзірлеу жоспарланған - Қытай сыртқы істер министрі

АСТАНА.KAZINFORM - Қытай Шанхай ынтымақтастық ұйымының (ШЫҰ) кезекті төрағасы ретінде 100-ден астам іс-шара өткізеді. Бұл туралы бүгін «екі ссессия» аясында өткен брифингте ҚХР Сыртқы істер министрлігінің басшысы Ван И айтты, деп хабарлайды Kazinform тілшісі.

- Биыл күзде Қытай Тяньцзинь қаласында ШЫҰ саммитін өткізеді, онда ШЫҰ елдерінің басшылары теңіз жағасында сәтті тәжірибелерді қорытындылау, даму жоспарын белгілеу және ынтымақтастық бойынша консенсусты әзірлеу үшін бас қосады, - деді ҚХР Сыртқы істер министрі.

Оның айтуынша, Қытай ШЫҰ төрағасы ретінде саясат, қауіпсіздік, экономика және гуманитарлық салаларға арналған 100-ден астам кездесулер мен іс-шаралар өткізеді.

Қытайдың Шанхай Ынтымақтастық Ұйымына төрағалығының басты тақырыбы – «ШЫҰ-ның тұрақты даму жылы». Оның барысында екі маңызды құжат әзірлеу жоспарланған: Саммит Декларациясы мен ШЫҰ-ның келесі кезеңге арналған даму стратегиясы.

Шанхай ынтымақтастық ұйымы – 2001 жылы маусымда Шанхайда Қазақстан, Қытай, Қырғызстан, Ресей, Тәжікстан және Өзбекстан құрған аймақтық ұйым. Бүгінгі таңда ШЫҰ-ға 10 мүше мемлекет, екі бақылаушы мемлекет және 14 диалогтық серіктестер кіреді.

Бұған дейін Қытайдың ШЫҰ-ға төрағалығы кезінде қандай шаралар өтетіні туралы хабарланған болатын.