ӨСКЕМЕН. ҚазАқпарат - Шығыс Қазақстан облысындағы су тасқыны кезеңінде ықтимал қауіптердің алдын алу және мониторинг жүргізу мақсатында Алтай ауданына 68303 әскери бөлімінің 15 әскериі мен 2 техника жіберілді, деп хабарлайды ҚазАқпарат тілшісі.
Аймақтағы төтенше жағдай департаменті баспасөз қызметінің хабарлауынша, жіберілген күштер мен құралдар Зубовск кентінде су тасқынын бақылайтын 2 бекет ұйымдастырған.
«Әскерилермен халықтың әлеуметтік осал топтарына көмек көрсету және арық жүйелерін тазалау бойынша алдын алу жұмыстары жүргізілуде. Заречный көшесінде 25 метр арық жүйелері мұздан арылды, Грязнушка өзеніндегі көпірдің асты ені 2 метр, тереңдігі 70 сантиметр тазартылды. Лазо көшесінде халықтың әлеуметтік осал топтары тұратын үйлерден бастап, ұзындығы – 135 метр, ені 90 сантиметр арық жүйелерін қардан тазарту бойынша алдын алу іс-шаралары жүргізілді», - делінген хабарламада.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.