ӨСКЕМЕН. ҚазАқпарат – Шығыс Қазақстан облысында биыл 113 жедел жәрдем көлігі сатып алынады, деп хабарлайды ҚазАқпарат.
ШҚО Денсаулық сақтау басқармасы басшысының орынбасары Владимир Лидің айтуынша, жаңа көліктер толықтай жабдықталады. Бұл көліктердің басым бөлігі Өскемен қаласындағы Жедел жәрдем станциясына берілмек.
«Осы орайда жуық арада тендер өткізіледі. Алғашқы жедел жәрдем көліктерін мамыр айында сатып алу жоспарланып отыр», - дейді ол.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.