ӨСКЕМЕН. ҚазАқпарат - Шығыс Қазақстан облысы Катонқарағай ауданында 16 жастағы қыз суға батып кетті, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 22 шілде күні 16 жастағы қыз Бұқтырма өзеніне батып кеткен.
- Бұқтырманың суы суық, қатты ағынды. Десе де бойжеткен соған қарамастан шомылған. Міне, осының соңы қайғылы жағдайға әкеп соқты, - деп хабарлады ведомство өкілдері.
Осы ретте, департамент мамандары өңір жұртшылығын су айдындарында қауіпсіздік ережелерін қатаң сақтауға, жабдықталмаған жерлерде шомылмауға шақырады.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.