09:47, 03 Желтоқсан 2012

ШҚО-да 5 жеңіл машина мен бір жүк көлігі жолда қалды - ҚР ТЖМ

АСТАНА. 3 желтоқсан. ҚазАқпарат - 2 желтоқсанда Шығыс Қазақстан облысындағы Старая Канайка -Каменское су қоймасы аралығындағы жол учаскесінде, «ВРАОСО» ММ күшімен (4 адам және 2 техника) қарға малтыққан екі көлік, олардағы жеті адам шығарылды.

ҚР ТЖМ-нің хабарлауынша зардап шеккендер жоқ.  

Осы аймақтағы Жарма ауданында аудандық ТЖБ күшімен 21 адам, қар басып қалған 3 жеңіл машина шығарылып, Қалбатауға жеткізілді. Ал 5 жеңіл машина мен бір жүк көлігі, 2 жүргізуші жолда қалды. Екі ДЭУ техникасы жолды тазартып жатыр. Зардап шеккендер жоқ.

 

Оқиға Аймақ Шығыс Қазақстан облысы ҚР Төтенше жағдайлар министрлігі
без автора