ӨСКЕМЕН. ҚазАқпарат – Шығыс Қазақстан облысында автобус жүргізушілері үш күнде 486 рет жол ережесін бұзған, деп хабарлайды ҚазАқпарат тілшісі.
Өңір аумағында тәртіп сақшылары «Автобус» жедел алдын алу шарасын жүргізуде. Мұндағы мақсат – қоғамдық көлік жүргізушілерінің жол ережелерін сақтауын, жолаушылардың тиісті талаптарға сәйкес тасымалдануын тексеру.
«Шараның үш күнінде 486 әкімшілік құқық бұзушылық анықталды. Оның ішінде автобустан шығатын газды нормадан асыру – 41, рульде отырып телефонмен сқйлесу – 81, маневр жасау қағидаларын бұзу – 105. Соның нәтижесінде 21 қоғамдық көліктің қатынауына тыйым салынды», - деді ШҚО ПД Жергілікті полиция қызметі басқармасының бастығы Талғат Нұриев.
Сондай-ақ техникалық ақауы бар көлікті желіге шығарғаны үшін автобус парктерінің 3 лауазымды тұлғасы жауапқа тартылған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.