ӨСКЕМЕН. KAZINFORM – Шығыс Қазақстан облысында жыл басынан бері 6 адам көз жұмған қауіпті жолда тәулік бойы полицейлер кезекшілік етеді.
Республикалық маңызы бар «Өскемен-Алтай-Рахман қайнарлары» тасжолымен жаз кезінде тәулігіне 20 мыңға жуық көлік жүреді.
Осы жылдың 8 айында тасжолда 20 жол-көлік оқиғасы тіркелді. Соның салдарынан 6 адам қаза болып, 40-тан астам адам жарақат алды.
«Сондықтан жолдың Алтай ауданы Серебрянск кентіне бұрылыс тұсына тәулік бойы жұмыс істейтін полиция бекеті ашылды. Бұндағы мақсат – жолдың қауіпті учаскесінде апатты жағдайларды азайту», - деп хабарлады ШҚО Полиция департаментінің баспасөз қызметінен.
Қазіргі уақытта бекетте полицейлер кезекшілік етуде.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.