ӨСКЕМЕН. ҚазАқпарат – Шығыс Қазақстан облысының бірқатар ауданында екінші ауысымдағы оқушыларға мектепте сабақ болмайды, деп хабарлайды ҚазАқпарат тілшісі.
ШҚО төтенше жағдайлар департаменті баспасөз қызметінің мәліметіне сүйенсек, 27 қаңтарда Өскемен қаласында ауа температурасы - минус 9 градус, жел жылдамдығы секундына 12 метр болғандықтан екінші ауысымдағы 1-4 сынып оқушыларына сабақ өткізілмейді.
«Сондай-ақ Ұлан ауданындағы Қасым Қайсенов кенті мен Украинка ауылындағы 1-11 сынып оқушылары мектепке бармайды. Онда да ауа температурасы - минус 9 градус, жел жылдамдығы секундына 12 метрге жеткен» деп хабарлады ведомство өкілдері.
Естеріңізге сала кетсек, бүгін Өскеменде бірінші ауысымның 0-11 сыныптарына сабақ өткізілмеген еді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.