ӨСКЕМЕН. ҚазАқпарат – Шығыс Қазақстан облысы Аягөз қаласында иіс тиген 32 жастағы әйел мен оның баласы мерт болды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 19 қаңтарда сағат 09:30-да Аягөз қаласының Серғазин көшесіндегі жеке тұрғын үйде 4 адамға иіс тиген. Әйел адам бірден сол жерде көз жұмды. Ал оның 3 баласы ауруханаға жеткізілген.
«Біраз уақыттан кейін 2008 жылы туған ұл ауруханада жан тапсырды. Ал 2013 және 2015 жылғы екі бала әлі ауруханада жатыр», - деп хабарлады ведомство өкілдері.
Оқиға орнында ТЖД мамандары жұмыс істеуде. Алдын ала мәлімет бойынша жазатайым оқиғаның себебі – пеш мұржасының уақтылы тазаланбауынан болуы мүмкін.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.