ӨСКЕМЕН. ҚазАқпарат – Шығыс Қазақстан облысында 100 мыңнан астам адам Pfizer вакцинасының екі компонентін алды, деп хабарлайды ҚазАқпарат тілшісі.
ШҚО Денсаулық сақтау басқармасы баспасөз қызметінің мәліметіне сүйенсек, өңірде коронавирус инфекциясына қарсы америкалық Pfizer вакцинасының екінші компонентін 100 925 адам салдырды.
Оның ішінде 12-18 жас аралығындағы 90 041 бала бар. Оларды вакциналау тек ата-анасының рұқсатымен жүргізілуде. Сондай-ақ 2239 жүкті және 7770 бала емізетін әйел екпе алды. Ал вакцинаның бірінші компонентін 106 237 адам салдырған», - делінген ақпаратта.
Айта кетейік, бүгінгі таңда Шығыс Қазақстанда 501 091 адам коронавирусқа қарсы ревакцинациядан өткен.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.