ШҚО Төтенше жағдайлар департаменті баспасөз қызметінің мәліметіне сүйенсек, өңірдегі тасжолдардың біріне қар көшкіні түсуі ықтимал.
«Бүгін сағат 19.00-ден бастап республикалық маңызы бар «Өскемен - Алтай - Үлкен Нарын - Катонқарағай - Рахман қайнарлары» тасжолының 6-166 шақырымында (Ушанов ауылы мен Алтай қаласының аралығы) көліктің барлық түрі үшін қозғалысқа тыйым салынады», - делінген ақпаратта.
Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отыруға кеңес берді.
Еске салсақ, осыған дейін «Қазселденқорғау» ШҚОФ өкілдері Шығыс Қазақстан облысында тау арасында автобус тап болған оқиғаға түсінік бергені хабарланған еді.