ӨСКЕМЕН. ҚазАқпарат – Шығыс Қазақстан облысында қарлы боранға байланысты тасжолдардың бірі жабылды, деп хабарлайды ҚазАқпарат тілшісі.
«Қазақавтожол» ЖШС ШҚОФ мәліметіне сүйенсек, өңірде қалың қар жауып, боран соғуына байланысты 13 қаңтарда сағат 08.30-дан бастап «Омбы-Майқапшағай» тасжолының 756-906 шақырымы (Семей қаласы мен Қалбатау ауылының аралығы) көліктің барлық түрлері үшін жабылды.
Осы ретте, Шығыс Қазақстан облыстық Төтенше жағдайлар департаменті тұрғындарға алыс сапарға шықпауға, жолдардың жай-күйін «Дәрмен» мобильді қосымшасы арқылы тексеріп отыруға кеңес береді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.