ӨСКЕМЕН. ҚазАқпарат – Шығыс Қазақстан облысындағы бірқатар ауданда қатты жел салдарынан бірінші ауысымдағы оқушылар онлайн оқиды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, 15 ақпанда ауа райының нашарлауына, нақты айтқанда күшті желге байланысты кейбір аудандардағы бірінші ауысымдағы оқушылар қашықтан оқитын болды.
«Шемонаиха, Аягөз, Жарма және Бородулиха аудандарында 1-11 сыныптар мектепке бармайды. Сондай-ақ Ұлан ауданында боран мен көктайғақ салдарынан 1-4 сынып оқушылары онлайн оқиды», - деп хабарлады ведомство өкілдері.
Естеріңізге сала кетейік, ШҚО-да өткен сенбіде аяз салдарынан бірінші ауысымдағы 1-4 сыныптар қашықтан оқыған болатын.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.