ШҚО Экономикалық тергеу департаменті облыс прокуратурасының үйлестіруімен алкогольді өнімдерді жасап шығаратын жасырын цех ұйымдастырғандардың заңсыз әрекеттеріне тосқауыл қойды.
«Жүргізілген тінту барысында қолдан жасалған алкогольді дайындайтын құрал-жабдықтар мен ыдыстар, 4 000 есепке алу-бақылау маркалары және әртүрлі атаулары бар 10 000 бөтелке алкогольді өнім тәркіленді. Өскемен қалалық №2 сотының үкімімен қолдан жасалған есепке алу-бақылау маркарларды пайдаланғаны, заңсыз кәсіпкерлік қызметті жүзеге асырғаны үшін ұйымдастырушы және оның сыбайластарына бас бостандығын шектеу жазасы тағайындалды. Алынған контрафактілік өнім жойылды», - деп хабарлады прокуратураның баспасөз қызметінен.
Жыл басынан бері облыс бойынша суррогатты алкоголь өнімдерін құйып шығаратын екі бірдей цех жойылған.