ШҚО Денсаулық сақтау басқармасы баспасөз қызметінің мәліметіне сүйенсек, өңірде соңғы тәулікте COVID-19 инфекциясын жұқтырған 3 адам тіркелді. Оның үшеуінде де дерттің симптомдары байқалған.
«Бір күнде 11 пациент коронавирустан толықтай сауығып шықты. Қазіргі уақытта облыс бойынша стационар жағдайында 55 науқас ем-дом қабылдап жатыр. Жалпы Шығыс Қазақстандағы стационарларда төсек-орын жүктемесі – 2,7 пайызды құрайды», - делінген ақпаратта.
Жалпы пандемия басталғалы бері аймақ бойынша 59 552 адам вирус жұқтырған.
Естеріңізге сала кетсек, осыған дейін елімізде өткен тәулікте 44 адамнан коронавирус инфекциясының анықталғаны хабарланды.