ӨСКЕМЕН. ҚазАқпарат – Шығыс Қазақстан облысында жұқпалы дертке шалдыққан науқастар туралы мәлімет берілді, деп хабарлайды ҚазАқпарат тілшісі.
«Қазірде жалпы өңір бойынша 8 адам коронавирусқа шалдыққан. Оның ішінде 1 пациент көз жұмды. Алты адамның денсаулық жағдайы орташа болса, бір науқастың хәлі тұрақты ауыр. Олардың барлығы дәрігерлердің бақылауында», - деп хабарлады ШҚО әкімінің баспасөз қызметі.
Әкімдіктің мәліметінше, вирус жұқтырғандармен байланыста болғандар анықталып, оқшауланған.
Естеріңізге сала кетсек, кеше Өскемен қаласында коронавируске шалдыққан 1979 жылғы әйелдің қайтыс болғаны жайлы хабарланған.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.