СЕМЕЙ. ҚазАқпарат – Коронавируске шалдыққан Семей қаласының 2 тұрғынымен 6 адам байланыста болған, деп хабарлайды ҚазАқпарат.
«Вирус жұқтырған ерлі-зайыптылармен байланыста болғандар анықталды. Қазіргі уақытта сол 6 адам дәрігерлердің бақылауында. Оның екеуі карантиндік стационарға, төртеуі арнайы провизорлық стационарға жатқызылған. Қажетті ем-шаралар жүргізіліп жатыр», - дейді ШҚО Денсаулық сақтау басқармасының басшысы Ілияс Мұхамеджан.
Сондай-ақ олардың тұрғылықты жерлерінде санитарлық-эпидемиологиялық шаралар жүргізілуде.
Естеріңізге сала кетсек, бүгін Семей қаласында 2 адамның коронавирус жұқтырғаны анықталды. Ерлі-зайыптылар 21 наурыз күні Мысырдан келген.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.