ӨСКЕМЕН. ҚазАқпарат – Шығыс Қазақстан облысында жұқпалы дертке шалдыққан 2 адамның жеке деректерін әлеуметтік желілер мен WhatsApp мессенджерінде таратқандар жауапқа тартылады, деп хабарлайды ҚазАқпарат.
Бұл жайлы ШҚО Полиция департаментінің баспасөз қызметі хабарлап отыр.
«Қазіргі уақытта полиция қызметкерлері интернетте жеке деректерді таратқандарды анықтау мақсатында тергеу амалдарын жүргізуде. Заңсыз әрекетке жол бергендердің барлығы жазаға тартылады», - делінген мәліметте.
Естеріңізге сала кетсек, кеше Семей қаласының 2 тұрғынынан коронавирус анықталды. 1959 жылғы ерлі-зайыптылар 21 наурыз күні елімізге «Шарм-Эль-Шейх – Нұр-Cұлтан» рейсімен оралып, ары қарай өз көліктерімен Семейге жеткен.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.