ӨСКЕМЕН. ҚазАқпарат – Шығыс Қазақстан облысының Ұлан ауданындағы құс фабрикасынан тоғыз қап ет ұрланған, деп хабарлайды ҚазАқпарат.
ШҚО Полиция департаменті баспасөз қызметінің мәліметінше, 18 ақпан күні «102» қызметіне хабарласқан құс фабрикасының күзетшісі белгісіз біреулердің 320 келі тауық етін жымқырып кеткенін айтқан. Шығын көлемі 255 мың теңгеге бағаланды.
«Полиция 22 және 26 жастағы Ұлан ауданының екі тұрғынын ұстады. Олардан 9 қап ет тәркіленді. Күдіктілер кінәсын мойындап отыр. Қазіргі уақытта ҚР ҚК-нің 188-бабы, 2-бөлігінің 1-тармағымен сотқа дейінгі тергеу амалдары жүргізіліп жатыр», - делінген хабарландыруда.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.