Жобаның жетекшісі Татьяна Чернышеваның айтуынша, Ұлан ауданында - ежелгі Ақбауыр обсерваториясы, Аблаинкит кешені ескеркіші, Сибин тау алқабы бойынша 2 инклюзивтік экологиялық тур жасалатын болады.
«Біз қазір өздігімен қозғала алатын екі балалар тобын іріктеп жатырмыз. Бірінші күні біздің ерекше туристерімізді Ақбауырға алып барамыз, ал екінші топты - Сибин тау алқабын аралатамыз, кейін бағытты ауыстырамыз. Сосын Сорокин тау етегінде, Құрт тауында тоқтаймыз, Қалбы Алтайға барамыз. Мұндай экотуристік инклюзивтік жоба елімізде бұрын болмаған», - деп мәлімдеді Т.Чернышова.