ӨСКЕМЕН. ҚазАқпарат – Шығыс Қазақстан облысы Глубокое ауданында полиция қызметкерін темір шыбықпен соққыға жыққан ер адам 5 жылға түрмеге қамалды, деп хабарлайды ҚазАқпарат тілшісі.
ШҚО Полиция департаменті баспасөз қызметінің мәліметіне сүйенсек, 30 жастағы тәртіп сақшысы жергілікті тұрғынның алкогольды сусын ішкен-ішпегендігін анықтау мақсатында медициналық куәландыруға жеткізбек болған.
«Алайда ол полиция қызметкерінің заңды талаптарын орындаудан бас тартты. Онымен қоймай, темір шыбықпен полиция қызметкерінің ішіне соққы жасап, дене жарақатын келтірген. Полицейдің кәсіби іс-қимылдарының арқасында ер адам ұсталды. Тергеу амалдары аяқталған соң іс сотқа жетті», - делінген ақпаратта.
Аудандық соттың үкімімен айыпталушы 5 жыл мерзімге бас бостандығынан айырылды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.