ӨСКЕМЕН. ҚазАқпарат – Шығыс Қазақстан облысында полиция қызметкерлері ұрланған 5 млн теңгенің малын иелеріне қайтарып берді, деп хабарлайды ҚазАқпарат.
ШҚО Полиция департаменті баспасөз қызметінің мәліметіне сүйенсек, 24-28 ақпан аралығында жүргізілген «Мал ұрлығы» жедел алдын алу шарасы барысында 40-тан астам мобильді топ құрылған. Осы уақыт аралығында тәртіп сақшылары мал мен ет өнімдерін тасымалдайтын 430 көлік құралын және ет өнімдерін сататын 193 сауда орнын тексерді.
«Шара барысында мал ұрлығы бойынша 8 факті анықталып, 19 бас мал иелеріне қайтарылған. Сондай-ақ осыған дейін жасалған 27 қылмыс ашылды. Нәтижесінде құны 5 млн теңгеден асатын 100 бастан астам мал табылды», - деп хабарлады ведомство өкілдері.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.