ШҚО-да полиция көлігі жол апатына ұшырады
12:41, 31 Қаңтар 2020
ӨСКЕМЕН. ҚазАқпарат - Шығыс Қазақстан облысындағы «Өскемен-Шемонаиха» тасжолында полиция көлігі жол апатына түскен, деп хабарлайды ҚазАқпарат.
ШҚО Полиция департаменті баспасөз қызметінің хабарлауынша, жол-көлік оқиғасына «ВАЗ» автокөлігінің жүргізушісі себепші болыпты.
«29 жастағы ер адам «Өскемен-Шемонаиха» тасжолында қарама-қарсы бағытқа шығып кетіп, Шемонаиха аудандық полиция бөлімінің қызметтік көлігімен соқтығысқан. Қазір оған қатысты әкімшілік хаттама толтырылды» - делінген ведомство мәліметінде.