ӨСКЕМЕН. ҚазАқпарат – Шығыс Қазақстан облысы Глубокое ауданында сіріңкемен ойнаған бала 30 тонна пішеннің өртенуіне себепкер болды, деп хабарлайды ҚазАқпарат тілшісі.
ШҚО төтенше жағдайлар департаменті баспасөз қызметінің мәліметіне сүйенсек, өрт бүгін Глубокое ауданы Ушанов ауылында шыққан.
«Оқиға орнына өрт сөндірушілер шұғыл келіп жетті. Белгілі болғандай, 30 тонна пішен өртенген. Көп ұзамай қызыл жалын толықтай ауыздықталды», - деп хабарлады ведомство өкілдері.
Алдын ала мәлімет бойынша, өрттің шығуына – баланың сіріңкемен ойнауы себеп болған.
Осы ретте құтқарушылар өңір жұртшылығына балаларын қараусыз қалдырмау қажеттігін ескертеді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.