ӨСКЕМЕН. ҚазАқпарат – Шығыс Қазақстан облысында суы тартылған тоғанда 50 мыңға жуық мөңке балығының қырылуына жол берілмеді, деп хабарлайды ҚазАқпарат тілшісі.
Зайсан-Ертіс облысаралық бассейндік балық шаруашылығы инспекциясының мәліметіне сүйенсек, Глубокое ауданы Ушанов ауылындағы тоғанның суы тартылып кеткен.
«Тоған табиғи себептермен кеуіп қалды. Инспекцияның жедел әрекет ету тобының қызметкерлері, жергілікті тұрғындар, еріктілер және Ушанов ауылдық округінің әкімдігі тоғандағы балықтың қырылып қалуына жол бермеді. Қазіргі уақытта 50 мыңға жуық мөңке балық Үлбі өзеніне жіберілді», - делінген ақпаратта.
Еске салсақ, осы жылдың жазында Шығыс Қазақстан облысы Глубокое ауданындағы Маховка өзенінде балық қырылған болатын.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.