ӨСКЕМЕН. ҚазАқпарат – Шығыс Қазақстан облысы Алтай ауданында шыққан дала өрті 2 гектар аумаққа жайылған, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, Алтай ауданындағы демалыс базаларының бірінде шөп өртенген.
«Тілсіз жау лезде 2 гектар аумаққа тарап кетті. Қазіргі уақытта оқиға орнына 12 өрт сөндіруші мен 3 автоцистерна, жергілікті атқарушы органнан 6 қызметкер тартылған. Зардап шеккен ешкім жоқ. Өрт демалыс базасындағы үйлерге жетпеді», - деп хабарлады ведомство өкілдері.
Сондай-ақ қажет болған жағдайда сол жерге қосымша күш жұмылдырылады. Осы сәтте Өскемен қаласынан 5 өрт сөндіру көлігі мен 20 адам шығуға дайын тұр.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.