Өңірде жаппай бүлікке қатысқандардың жалпы саны 3 мыңнан кем емес, 500-і қамауға алынды және олардан жауап алынуда. Ал Семейде оқиға салдарынан әкімшілік ғимаратының 5 қабаты бүлінген.
«Ұсталғандар арасында есірткі шеккен және мас адамдар бар. Сараптамалар тағайындалды. Олардың қорытындысы бойынша заңсыз іс-әрекеттерге процессуалдық баға беріледі. Бұзақылардың қолынан 25 қызметкер зардап шекті. Пышақ жарақатын алғандар да бар. Кейбіреулері ауруханаға жатқызылды. Өзгесі дене жарақатына қарамастан, төтенше жағдай режимі кезеңінде қызметін жалғастырып жатыр», - деді ШҚО Полиция департаменті баспасөз қызметінің басшысы Татьяна Карпова.