Жол-көлік оқиғасы 12 қараша күні сағат 16.00 шамасында облыстық маңызы бар «Өскемен-Винное ауылы» тасжолында болған.
«Аталған тасжолдың Глубокое ауданындағы 9-шақырымында келе жатқан «Subaru outback» маркалы автокөлік жүргізушісі рульге ие бола алмай қалды. Соның салдарынан көлік аударылып түсіп, ер адам сол жерде мерт болды», - деп хабарлады ШҚО Полиция департаментінің баспасөз қызметі.
Аталған факті бойынша ҚР Қылмыстық Кодексінің 345-бабы 3-бөлігіне (Көлік құралдарын басқаратын адамдардың абайсызда адам өліміне әкеп соққан жол қозғалысы ережелерін бұзуы) сәйкес сотқа дейінгі тергеу амалдары басталды.
Қазіргі уақытта бірқатар сот-медициналық сараптама тағайындалған. Соның қорытындысы бойынша процессуалдық шешім қабылданады.