ӨСКЕМЕН. ҚазАқпарат – Шығыс Қазақстан облысында ТЖ қызметкерлеріне 11 өрт сөндіру көлігі тапсырылды, деп хабарлайды ҚазАқпарат тілшісі.
ШҚО Төтенше жағдайлар департаменті баспасөз қызметінің мәліметіне сүйенсек, бүгін құтқарушыларға 11 өрт сөндіру көлігі тапсырылды.
«Бұл көліктер өрттерді сөндіруге және апаттық-құтқару жұмыстарын жүргізуге арналған. 2020 жылы «АЦ-5-40» және «Камаз» базасында шығарылған техниканың өтімділігі жоғары және 5 тонна суды тасымалдауға мүмкіндік береді», - деп хабарлады ведомство өкілдері.
Бес көлік Өскемен қаласында қалса, екеуі Семейге жіберілмек. Ал Зайсан, Глубокое және Бесқарағай аудандары мен Риддер қаласына бір техникадан тапсырылады.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.