ӨСКЕМЕН. ҚазАқпарат – Шығыс Қазақстан облысындағы түрме қызметкерлері Тәуелсіздік күніне орай 30 отбасына көмек көрсетті, деп хабарлайды ҚазАқпарат тілшісі.
ШҚО бойынша қылмыстық атқару жүйесі департаменті баспасөз қызметінің мәліметіне сүйенсек, ел Тәуелсіздігінің 30 жылдығына орай жағдайы төмен отбасыларға қолұшын созуға арналған акция ұйымдастырылды.
«Қылмыстық-атқару жүйесінің қызметкерлері аз қамтылған және көпбалалы 30-дан астам отбасыға көмектесті. Әрбір жанұя азық-түлікпен, жеке гигиеналық заттармен, киім-кешекпен қамтамасыз етіліп, балаларға тәттілер мен ойыншықтар табысталды», - делінген ақпаратта.
Тәуелсіздік күніне орай ұйымдастырылған акция алдағы уақытта да жалғасын таппақ.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.